انتشرت خلال الأيام الماضية صورة لـ 0 جنيهات ورقية مكتوب عليها عبارة استغاثة من فتاة تزعم خطفها، الصورة المدون عليها: “أنا مخطوفة في شقة 84 بشارع الغريب بميت عقبة.. اسمي جنا شوكت”.
وبعد دقائق من نشر الصورة بواسطة أحد الفتيات على موقع “فيسبوك”، انهالت التعليقات والألاف من الشير، لوصولها إلى أجهزة الأمن.
قالت دعاء أحمد التي نشرت الصورة: “أنا لقيت العشرة جنيه دى وسط الفلوس اللي كانت معايا النهاردة، هى ممكن توصل لكده”.
تابعت: “البنت بتستنجد بأي حد عشان مخطوفة لو حد يعرف بنت اسمها جنا شوكت متغيبة يوصل لأهلها العنوان ده ربنا يسترها علينا”.
شكك بعض المعلقين على الأمر، بينما أكد الأخرون على ضرورة توجيهها إلى قسم الشرطة لتحرير محضر.
وعلى أثره نشرت دعاء منشور أخر قائلة: “يا جماعة الناس اللي مش مصدقة أنا مش هستفاد حاجة لما أنزل الصورة دي”.
أضافت: “أنا نزلتها على تجربة وبعدين البوست اتحذف واللى بيقول مروحتيش أبلغ ليه ولا روحتى انقذتيها ناس متخلفة يعني”.
تابعت: “أنا نزلته عشان لو فى بنت بالاسم ده متغيبة، أهلها يعرفوا يوصلولها مش عشان أنا اللى أروح انقذها يخربيت التخلف”.
استكملت: “دى صورة تانية كانت معايا واللى مش مصدق يروح يسأل البنت الكاشير اللى فى خليل الحلوانى فرع باكوس”.
أكدت الفتاة أن الكاشير هي من لاحظت العبارة: “هى اللى شافتها وانا بحاسبها وبعدين قولتها هاتى أصورها”.
الجدير بالذكر أن الفتاة عثرت على الـ 10 جنيهات في منطقة الإسكندرية، بينما المنطقة المتواجدة عليها في محافظة الجيزة.
شاهد المنشور:
الأمن يحل لغز الـ 10 جنيهات والفتاة المخطوفة:
تلقى العميد إيمن الحمزاوي مفتش مباحث وسط الجيزة، الصورة على هاتفه المحمول، وأمر بتحرك مأمورية على الفور لفحص المكان.
وعند الوصول إلى الشقة، وجد ضباط الشرطة أنها ملك لموظفة بإحدى المحاكم، ولا يوجد أحد في الأسرة بهذا الأسم.
وحاول رجال المباحث تفتيش الشقة والمنطقة بالكامل، ليتأكدوا من عدم وجود فتاة بالاسم المدون على الـ 10 جنيهات.
وبسؤال أهالي المنطقة، أكدوا: “مافيش حد بالاسم ده هنا، ولا في أي بلاغ تغيب أو اختطاف”.
أوضح أحد الأهالي أن الصورة وصلت إليه عبر موقع “فيسبوك”، وبحث عن حالات الاختفاء في المنطقة ولن يجد، قائلا: “دي اشتغالة”.
