السيدة المغتصبة تروى تفاصيل الإعتداء عليها أمام زوجها وأطفالها ببشاعة لا يتخيلها أحد.
اغتصبت ربة منزل أمام زوجها وأطفالها فى أبشع صور اللا إنسانية، حيث عاش زوجها “عاطف.خ” 40 عامًا، ميكانيكي سيارات أقبح فترات عمره.
تقطن الأسرة المكلوبة فى بندر بلبيس بمحافظة الشرقية، حيث تكالب عليهم 3 بلطجية وقاموا بأبشع انواع الإغتصاب.
حيث قالت الضحية، :”كان يوم أسود مطلعتلهوش شمس.. كنا نايمين في أمان الله وفجأة سمعت خبط ورزع على باب الشقة، بنسأل مين قالولنا حكومة، جوزي طلع يبص من على السطح، على ما سترت نفسي، لقيت جوزي نازل جري يقول لي إوعي تفتحي الباب، بعد ما اتأكد إنهم مش حكومة زي ما قالوا، بس هعمل إيه بقى والقدر كان أقوى مني؛ لقيت الباب اترزع في وجهي ودخل علينا 3 أشخاص”.
وبدأت الضحية فى الإنهيار والبكاء، والتى تدعى “محاسن” قائلة :”جوازة أبويا الأخيرة كانت مرار طافح عليا وعلى بيتي، أبويا مزواج بس حظه في آخر مرة قلب حياتنا جحيم بعد ما حصل اللي حصل؛ من حوالي سنة ونصف اتجوز سيدة من القاهرة عندها 3 أولاد، وعرفنا بعد كدا إن واحد منهم تاجر سلاح ولسه خارج من السجن بعد ما قضى عقوبة 6 سنوات، أولادها هم اللي اعتدوا علينا بسبب خلافات والدتهم المستمرة معى”.
وتابعت ربة المنزل “محاسن”، :”أول ما كسروا باب الشقة، دخلوا واتمكنوا مني، كتفوني وكتفوا جوزي وولادي، وبعدها كل حاجة حصلت؛ ضرب وشتيمة وسرقة واغتصاب قصاد عين جوزي وعياللى، اللي حصل ده كتير وسكينة بتقطع في روحي كل ما افتكر أو أتكلم، أنا طلعت اتكلم فى التليفزيون عشان القانون منصفنيش، مهو مش من العدل انهم يغتصبوني قصاد زوجي وعيالي، ويسرقونا وفي الآخر ياخدوا حكم بسنة غيابي؟
كما تحدث زوجها عن الواقعة المشئومة، قائلا بكل حزن وأسي :”صعب جدًا علي أي واحد مكاني يطلع يقول إن زوجته تم اغتصابها قصاد عينه ومقدرش يعمل حاجة، أنا اتكلمت بعد ما فاض بيا والقانون أهدر حقنا، لو على الفلوس اللي اتسرقت في داهية، ولو على تكسير الشقة فاللي اتكسر يتصلح، إنما اللي حصل للست بتاعتي قصادي أنا والعيال هعمل فيه إيه؟، وإن قدرت أسكت رغم إن مش قادر، هقول للعيال لما يكبروا إيه.. اللي حصل لأمهم عادي وميهمش حد؟، دنا كل ما افتكر اللي حصل أتعصب عليها وعلى العيال، ولادي غلابة وملهمش ذنب، واحد عنده 8 سنين، والصغيرة عندها 5 سنوات، ذنبهم إيه؟ منهم لله.. المتهمين عليهم حكم غيابي بسنة واحدة بعد ما سرقوا واغتصبوا وروعوا وشرعوا في قتل.. لنا الله
وكانت قد أصدرت محكمة جنح بلبيس، حكمًا بالسجن لمدة سنة واحدة، غيابيًا، على كلًا من “السيد.م.”، وشقيقيه “إبراهيم” و”إسلام”، على خلفية اتهامهم باقتحام مسكن “عاطف.خ” 40 عامًا، ميكانيكي سيارات ببندر بلبيس، والتعدي بالضرب عليه وعلى زوجته، واغتصاب زوجته، وسرقة 35 ألف جنيه ومشغولات ذهبية.
