واجه الفنان محمود العسيلي انتقادات عديدة، عقب سخريته من شكل الفنانة مريام فارس، ردًا على تصريحاتها المسيئة لمصر خلال المؤتمر الصحفي في مهرجان “موازين”، حيث كتب عبر حسابه على Twitter: “كارتة وخانفة.. عشان كدا إنتي تقيلة على مصر”.
وجّه العديد من المتابعين انتقادات واسعة لسخريته من أصحاب الشعر المجعد، بعيدًا عن الشخص نفسه الذي يسخر منه، حيث كتبت له إحدى المتابعات: “ليه عشان أغلط ف حد لازم أعيب على حاجة ف شكله/ خلقته اللي هو أصلا مالوش أي قرار فيها. ما ممكن تعيب على شغلها/ فنّها لو أنت شايفه مش حلو مثلا أو لا يليق بالذوق العام إنما ليه الغلط؟! أنا وناس كتير زيي مثلا شعرهم أكرت دلوقت مش طايقينك مع العلم إني كنت من أكبر معجبينك”.
من جانبه، رد العسيلي على هذه الفتاة كاتبًا: “حضرتك أنا اقرع وقصير. ولو حضرتك شعرك أكرت دا لا يعيب حضرتك في شيء.. أنا باقصد بس هذه الإنسانة المعينة اللي نسيت نفسها.. عايزة بقى تكبري الموضوع أو تكرهيني دي حاجة ترجعلك.. شكرا”.
واتبع عسيلي في تغريدة اخري له عبر حسابه على Twitter: “إلى كل البني آدمين اللي شعركوا كيرلي أو اكرت احب اقولكو أن أمي شعرها أكرت، وأنا كنت اكرت قبل ما أبقى اقرع، و باعتذر لو سببت آي حساسية.. الموضوع مالوش أي دعوه بشعركوا التحفة الجميل اللي ربنا خلقه كدا .. أنا اقصد واحده بس خانفه وكارته استهزئت بمصر فقلت اردحلها شوية بالبلدي”.
