عبرت الفنانة زينة عن سعادتها، بخسارة الفنان أحمد عز لكل القضايا التي أقامها ضدها، للطعن في حكم ثبوت نسب الطفلين «عز الدين» و«زين الدين».
زينة تنشر صورة لـ أحمد عز
ونشرت زينة صورة له عبر حسابها الشخصي بموقع التواصل الاجتماعي «الانستجرام»، ودونت عليها قائلة: «الحمد لله النهارده كانت آخر قضية رافعها علينا الشيطان.. والحمد لله مايقدرش الشيطان يرفع أي قضية تاني».
وذكرت: «الموضوع اتقفل نهائيًا ورفع علينا كل القضايا اللي ممكن تترفع والحمد والشكر لله ربنا كرمنا وخسر كل القضايا.. الشيطان ده قبل ما يخسر كل القضايا خسر نفسه اللي مش موجودة أصلًا وضميره المعدوم وحتى شكله اللي بقي أستغفر الله العظيم».
وتابت قائلة: «نصيحة ليكم إياكم والظلم إياكم والقسم بالكذب.. كلمة أقسم بالله بالكذب بتهز السموات.. بص يا شيطان كل القضايا اللي ينفع ترفعها خسرتها.. كبيرك تتكلم في سمعة أم ولادك وإنت عارف بتقول كده.. بس ياريت تثبت كدبة علشان بتنسي كدبك وكل يوم بقصة».
واختتمت كلامها موجهة الشكر للمحامي الخاص بها، قائلة: «شكرًا الأستاذ الكبير المحترم معتز الذكر المحامي اللي تعب معايا خلاص ارتاح من قلقي والصداع اللي عملتهوله.. ومبروك يا أستاذ معتز على قدوم القمر زينة الصغيرة وربنا يكرمك ويخلي زينة وعبدالله.. كملت مسيرة الأستاذ الكبير محمد الدكر الله يرحمه يارب.. شكرًا الأستاذ عاصم قنديل المحامي الكبير اللي بعتبره واحد من أهلي.. أنا تعبتك أوي يا أستاذ ربنا يخلي حضرتك».
وأضافت:«سامحوني على الصورة دي واعرفوا إنها مخوفاني أنا كمان والله للأمانة ما كان هو ده شكله.. بس الظلم والقسم كدب بينزل غضب ربنا على أغلى حاجة عند الإنسان.. وده أغلي حاجة عنده وشه.. بعتذر على بشاعة المنظر، دي أحدث صورة للشيطان لقيتها في وشي معلش، وهشيلها كمان شوية».
رفض محكمة الأسرة لطعن أحمد عز
يذكر أن محكمة استئناف اﻷسرة المنعقدة بالتجمع الخامس قد قضت برفض الطعن المقدم من الفنان أحمد عز على الحكم الصادر من محكمة أسرة مدينة نصر، برفض بطلان حكم ثبوت نسب الطفلين «عز الدين» و«زين الدين».
وكانت محكمة استئناف الأسرة قد قضت في 13 يناير 2016 بتأييد حكم أول درجة بثبوت نسب توأم الفنانة زينة للفنان أحمد عز.
