دعمت الإعلامية ريهام سعيد خلال حلقتها أمس الأحد، الفنانة دينا الشربيني بعد نجاح مسلسلها الأخير “زي الشمس” المعروض في شهر رمضان الماضي.
ووصفت ريهام سعيد خلال تقديمها لحلقة برنامجها “صبايا” المذاع على شاشة الحياة، دينا الشربيني بأنها ملهمة، إذ قالت: “دينا ملهمتي بجد وأنا بحبها جدًا من غير ما أعرفها ولا أشوفها خالص”.
تابعت: “لما اشتغلت ممثلة كلنا إعجابنا بها جدًا، وكانت طالعة زي الصاروخ وفجأة اتهمت في قضية واتحكم عليها وراحت السجن.. هي اتسجنت سنة وأدي حاجة وحشة أوي فوق ما أي حد يتخيل”.
اقرأ أيضا:
بالفيديو : رسالة نارية من ريهام سعيد إلى أنغام
أضافت سعيد: “الست دي بعد ما طلعت من السجن.. قررت نقابة المهن التمثيلية أنها تمنعها من التمثيل وأنا فاكرة كويسة قولت ساعتها ليه حتى لو هي غلطت.. بس لازم تكمل عشان جمهورها بيحبها”.
استكملت حديثها: “فاجأة بعد ذلك اقترن اسمها بفنان عظيم.. أي كان هما عايزين يصرحوا بالعلاقة ولا لأ.. لكن هناك ارتباط فني بعد ما هي صرحت بأن هو بيدعمها أو بيدعم مسلسلها.. وهي قالت عنه أنه بيمسك أي حاجة تتحول لدهب”.
أكدت ريهام على نجاح دينا قائلة: “بعد ما كل الناس كانت بتتريق عليها بعد رقصة العربية ويقولوا هو إزاي بيتهم بيها ده ممكن يجيب واحدة أحلى منها بكتير.. دلوقتي كل الناس بتتكلم عن نجاحها”.
تابعت: “دوام الحال من المحال.. ربنا ممكن يبدلنا الحال من حال في ثانية.. وأنا بقول الكلام ده دلوقتي عشان بشوف ناس كتير مضايقة ومكتئبة”.
وأضافت سعيد: “ولكن أنا مؤمنة أن ربنا مبيجبش حاجة وحشة.. وراحة البال وهدوء الحياة وحوالك ناس بتفكر فيك هي دي أهم حاجة في الدنيا”.
