خرج الفنان عمرو يوسف عن صمته في بث مباشر على حسابه الشخصي بموقع التواصل الإجتماعي “فيسبوك” لينفي خبر القبض عليه برفقه زوجته كندا علوش.
قال يوسف: “صحيت النهاردة على خبر بايخ جدًا وغريب جدًا، معرفش حصل إزاي، كاتبين في أحد المواقع أنه تم القبض عليا أنا وزوجتي في القاهرة ومعانا أقراص مخدرة”.
أضاف: “طبعا الموقع ده المفروض أنه موقع محترم وكبير وله اسمه”، مؤكدًا: “مبدئيا كندة في الجونة، واللى متابعينا عارفين أننا بقالنا فترة قاعدين في الجونة”.
أوضح: “وأنا رجعت امبارح وهي لسه هناك، عشان عندي اجتماع شغل امبارح والنهاردة وهسافر تاني”.
أكد الفنان: “الموضوع مالوش أى أساس من الصحة، وصحيت النهاردة لقيت الخبر زي الناس بالظبط، لقيت واحد صاحبي بيصحيني الحق ده في خبر كذا كذا”.
عمرو يوسف يتوعد لمروجي الشائعات: “في قضايا هتترفع وهاخد حقي بالقانون”
أكد عمرو: “بعمل الفيديو ده عشان 3 حاجات، أول حاجة عاوز أطمن الناس اللي سألت عليا والتليفونات اللي مش عارف ارد عليها كلها، بشكركم جدًا”.
تابع: “أنا زي الفل ومافيش أى حاجة وكندة في الجونة واحنا زي الفل”، مضيفًا ثانيًا: “تاني حاجة كل موقع أو صحفي كتب من غير ما يتحرى الدقة، في قضايا هتترفع علشان نجيب حقنا بالقانون”.
استكمل عمرو حديثه: “3 حاجة بشكر كل صحفي محترم اهتم وكلمني وأنا رديت عليه وأتاكد أن مفيش حاجة وأنا في البيت مفيش أى مشاكل خالص”.
أوضح: “بشكركم جدًا إنكم اهتميتوا وكتبتوا الأخبار الصحيحة مش الغلط، وبشكركم جدًا، وأنا كويس جدًا وكندة زى الفل وصباح الفل عليكم”.
شاهد الفيديو:
https://www.facebook.com/amr.youssef.7739/videos/10154674294562120/
الجدير بالذكر أن أحد المواقع الإلكتروني، نشر صباح اليوم السبت، خبر القبض على عمرو يوسف وكندة علوش أثناء مرورهم من كورنيش العجوزة، وكان بحيزتهم مواد مخدرة وأقراص من الترامادول.
