دخلت الإعلامية بسمة وهبي في نوبة بكاء وحالة نفسية سيئة في بث مباشر عبر حسابها بموقع انستجرام، لعدم قدرتها على حضور كتب كتاب ابنها السعودي.
وقالت وهبي في البث المباشر لمتابعيها وجمهورها: “أنا مضايقة شوية ومحتاجة اتكلم معاكوا، ابني كتاب كتابه بعد أسبوع وأنا فرحانة أن هو كبر وهيكتب كتابه، لكن الحاجة اللي مضايقني أن ابني سعودي أنا منفصلة عن باباه من 10 سنين”.
وأضافت: “كتب الكتاب هيبقى في السعودية، والعادات هناك أن الملكة “كتب الكتاب السعودي” للرجالة فقط ولا يحضر في سيدات”، وتابعت: “أنا بحترم عادات كل الشعوب لكن مش مصدقة أن مش هشوف ابني وهو بيكتب كتابه، وقالولي أكتر حاجة ممكن نعملها أنك تشوفيه فيديو”.
لترد وهبي خلال البث المباشر على إنستجرام: “لا أنا مش موافقة ومش مبسوطة إني أشوف ابني على شاشة، ومش عارفه اعمل إيه وعايزة افرح وعايزة اشوفه واخده في حضني واقوله مبروك ومش عارفه اعمل كده”.
واستكملت بسمة حديثها وهي تبكي: “علاء جوزي بيقولي أنتي أوفر، بس أنا مش أوفر وصحابي بيقوليلي إيه المشكلة، بس أنا عايزة أشوف ابني وهو بيكتب كتابه، لو حد عنده حل افيدوني”.
