حلت الراقصة الاستعراضية دينا ضيفة في الحلقة الأولى من برنامج شيخ الحارة المذاع عبر فضائية القاهرة والناس، في أول أيام شهر رمضان الكريم.
كشف الراقصة دينا الكثير عن حياتها الشخصية في لقائها مع الإعلامية بسمة وهبي مذيعة البرنامج، وسوف نستعرضها عليكم:
دينا توجه رسالة للشيخ خالد الجندي:
ردت الراقصة دينا، عن انتقادات الشيخ خالد الجندي لها بعد إعلانها فتح مدرسة للرقص قائلة: “ما ينفعش ندخل الفن في الدين، وأنا استنيت كتير على الرد”، متابعة: “خالد الجندي شيخ متدين بيعايب على خلقة ربنا، ربنا خلقني بالصوت والشكل ده، وأنا بحب صوتي وراضية باللي ادهولي ربنا بس هو بيعايب، ودي صفة مش من صفة الشيوخ ولا الدين”.
ووجهت رسالة لخالد الجندي قائلة: “مدارس الرقص الشرقي يا شيخ خالد موجودة في كل دول العالم، وده مناسبة للسيدات فقط لأنهم من حقهم أن يمارسوا الرياضية ويرقصوا عشان صحتهم ونفسيتهم ويخسوا ويعيشوا حياتهم”، مضيفة: “لو أنت متعرفش الكلام ده دي حاجة تخصك”.
شاهد مقطع الفيديو:
دينا تتحدث عن أفلامها مع السبكي: استغليته واستغلني
علقت الراقصة الاستعراضية دينا عن مشاركتها في أفلام السبكي قائلة: “أكل العيش ملوش علاقة بالفن، وإزاي اسجل رقصي في السينما والمنتجين رافضين يعملوا أعمال استعراضية لأنها مكلفة جدًا، وكان الحل الوحيد إني اعملها شعبي، وأنا كنت بقتني جدًا في أدوراي مع السبكي”.
وأضافت دينا: “استغليت السبكي عشان افضل في الذاكرة، وهو استغليني عشان أفلامه في العيد تجيب فلوس، دي منفعة متبادلة وهو الفن كده”.
دينا: أيوة اتجوزت 9 مرات
فاجئ شيخ الحارة إحدى فقرات البرنامج التليفزيوني الذي يحمل نفس الأسم، الراقصة دينا بمعلومة تزوجها 9 مرات، مؤكدة على كلمه قائلة: “لو الناس عدتهم هتلقيهم 9 أيوة، لأن كلهم معلنين”.
وقال شيخ الحارة لها إن أخر أزوجها طلب منها تبطيل الرقص وهرجعلها، لترد متفاجئة: “المعلومات دي جايبنها منين، دي حاجات خاصة جدًا وما حدش يرفعها، أنا حاسة أن ده حد قريب مني”.
وعن جوازها من فنانين من بين زيجاتها الـ 9، قالت: “مش بحب اتجوز ممثلين، مش بصدقهم، أنا أمثل معاهم بس ما بصدقهمش لما بيتكلموا عن الحب والارتباط”.
دينا عن الفنانة فيدرا: ست ملحوسة
قالت الراقصة دينا عن مشاهدتها لصورة الفنانة والمنتجة فيدرا إنها “ست ملحوسة”، وتابعت: “عملتلي مشاكل كتير مع حماتي والدة زوجي السابق سامح الباجوري، وفضلت تقول أنا بحبه بحبه وفي الآخر اتجوزت أخوه، ومحدش فهم إيه اللي بيحصل”.
