عادت الدكتورة منى برنس أستاذ الادب الإنجليزي بجامعة السويس والمرشحة لرئاسة الجمهورية 2018، إلى إثارة الجدل مرة أخري.
أعلنت برنس صاحبة أشهر فيديو رقص على مواقع التواصل الإجتماعي “فيس بوك” عدم صومها خلال شهر رمضان.
منى برنس: مقدرش مشربش قهوة الصبح
أكدت الدكتورة الجامعية، أنها ليست بحاجة إلى الصوم لتحس بالفقراء لأنها في الأساس فقيرة.
كما أضافت أنها لا تريد تعلم الاستغناء لأنها بالفعل تستغني عن أشياء كثيرة، فهي لا تريد شئ.
كتبت برنس على حسابها بموقع “فيس بوك”: “البوست دة للحبايب المستجدين على الصفحة، ليه انا مابصومش؟”.
أضافت أستاذ الادب الإنجليزي: “مبدأيا الصيام لله، فمش المفروض حد يسأل حد عن الموضوع ده”.
أشارت إلى عدم صومها قائلة: “أنا بقي لو ماشربتش قهوة الصبح، ما ببقاش بني آدمة، ببقي حاجة كدة شبه المرأة المستذئبة”.
تابعت برنس: “وأحسن في الحالة دي لا حد يشوفني ولا حد يكلمني، عشان ممكن اهبره عادي، وعشان اعمل أى شغل لازم أشرب قهوة”.
استكملت منى: “وأنا حد بيشتغل طول الوقت، مش هقضي الشهر نوم يعني، ثانيا: أنا معظم الوقت علي سفر”.
أكدت الدكتورة الراقصة: “وما ينفعش أسوق من غير ما أشرب قهوة وأبقي مصحصة للطريق”.
قالت المرشحة للرئاسة: “ثالثا: أنا من الفقراء فمش محتاجة أحس بيهم، رابعا: أنا من اللي ربنا انعم عليهم بنعمة الأستغناء”.
تؤكد: “فمش محتاجة اتعلم دة، أو إني أمسك نفسي عن حاجة نفسي فيها، الحمد لله ما نفسيش في حاجة”.
أكدت برنس في المنشور: “الأهم بالنسبة لي إني بصوم عن أذى الغير وما بضرش حد طول السنة، وكل سنة وأنتو طيبين ورمضان كريم”.
شاهد منشور منى برنس:
https://www.facebook.com/mona.prince.77/posts/10154699546183581
خناقة في التعليقات على منشور منى برنس:
أثار هذا المنشور على موقع “فيسبوك” ضجة كبيرة بين متابعي الدكتورة مني برنس، شهد عدد كبير من التعليقات السلبية على حديثها.
علق محمد البنا أحد المتابعين قائلا: “ايوا بس لو حضرتك مسلمة يعني، فصيام رمضان دا ركن من أركان الأسلام الخمسة”.
أضاف: “بمعنى أنه واجب علينا إذا كنا بندين بالأسلام ومؤمنين بيه، زيه زي الصلاة كدا”.
يشير المعلق قائلا: “وفي القرأن آيه صريحة (شهر رمضان الذي أنزل فيه القرأن هدى للناس وبينات من الهدى والفرقان فمن شهد منكم الشهر فليصمه).
أكد البنا قائلا: “في عذر للي على سفر أو مريض أو عنده شغل بيبذل فيه مجهود بدني، أما كون أن حضرتك تقولي دا القهوة اللي متعودة عليها هيا اللي بتخليني مبصمش، أنتي كدا عمدًا أبطلتي ركن من أركان الأسلام”.
تابع المعلق: “ثم أن الصوم مش عشان نحس بالفقرا أنتي فاهمة غلط، الصوم جهاد للنفس نفسك تشرب وتاكل بس بتحرم نفسك امتثالًا لأمر ربنا”.
استكمل: “أنا مثلا واحد من الناس على فكرى يمكن يبقا “نفسي” في الحرام بس اللي بيبعدني عنه أنه حرام وربنا محرمة”.
أشار إلي: “أن لما أجاهد نفسي وامنعها من الغلط دي ثوابها عظيم، عشان كدا ربنا بيقول (كل عمل ابن أدم له.. إلا الصوم فأنه لي وأنا اجزي به).
لترد عليه الدكتورة مني برنس قائلة: “أنت مالك برضه!!!”، وهذا هو ردها على أغلب التعليقات السلبية”.
قال مازن مصطفي: ” كان ممكن حضرتك تيدى لنفسك فرصة أنك تفهمى موضوع بمساحة أكبر من كده، لأن الموضوع واصل لحضرتك عكس تماما”.
أضاف: “ولو الموضوع مش مريح حضرتك ممكن تقعدى في أرض غير أرضه وتحت سما غير سمائه ولا تأكلى من نعمه ورزقه”.
انتقد رأفت ريان رأيها قائلا: ” يا دكتورة منى متبرريش فطارك، الصيام ده لله ركن من أركان الأسلام واجب التنفيذ”.
أكد على كلامه قائلًا: “ده مش رأى سياسى ولا مشكلة إجتماعية عشان تقولى رأيك فيها”.
أضاف: “كان ممكن تقولى ربنا اللى بيحاسب، وأن ليكى عزرك لكن الكلام اللى قولتيه ميصحش تحياتى ليكى”.
وبعد أثار كل هذا الجدل على حديث الدكتورة، ردت على المناهضين لها في بوست منفصل.
الدكتورة الراقصة تثير استفزاز المتابعين
قالت: “ياه ده في ناس مغلولة مني أوي وهاتك يا شتيمة وشير للغل، وأنا مبسوط، هههههههه”.
تابعت: “حلوة حالة الجدل اللي شغالة دي، رغم أن في ناس ما بتفكرش وبتردد محفوظات سنة ٣ إبتدائي”.
كما نشرت بعده منشور أخري لتكيد المعلقين بالتعليقات السلبية على حديثها قائلة: “أنا قايمة آكل، حد عايز حاجة، بوست رخامة”.
شاهد المنشورات:
https://www.facebook.com/mona.prince.77/posts/10154699664548581
https://www.facebook.com/mona.prince.77/posts/10154700086023581
