قامت الفنانة مي كساب بنشر رسالة جديدة تعبر بها عن آلامها و حزنها عبر صفحتها الرسمية على موقع التواصل الاجتماعي ” انستجرام ” ، و قامت من خلالها بمشاركت متابعيها بما تعانيه منذ 6 سنوات .
خاصة بتلك الآلم و الأوجاع الظروف التي تمر بها بعد أن تم القبض على زوجها مغني المهرجات محمد صلاح الشهير بأوكا .
مضمون رسالة مي :
“نفسي تعبانة قوي بقالها ٦سنين مصدومة و محتارة و مش عارفة ترسى على بر.. مش عارفي تلاقي راحة البال ولا السعادة ولا الرضا.. بتدفع تمن إنها حساسة زيادة عن اللزوم.. بتدفع تمن التربية والأصول.. من يوم ما الثورة قامت وأنا مش أنا كبرت وعجزت وصغرت وعيلت وشيبت.. مش فاهمة حاجة تايهة توهة وحشة قوي مش عارفة ألاقيني خالص”.
وتابعت مي ” و الله العظيم مش لاقية مي خالص.. أنا مش انا.. ابتلاءات كتير والحمد لله صدمات في البشر أكتر والحمد لله.. حتى الشغل حاسة فيه بكبوة كبيرة جدا استنزاف واستهلاك مش طبيعي.. وبرضه مش باستسلم بقوي نفسي وأقولها قومي ما تفقديش الأمل في رحمة ربنا ما تفقديش الأمل في بكره أحلى ما تفقديش الأمل في المدينة الفاضلة ما تفقديش الأمل في انك تلاقي مي من جديد.. بس للأسف النفاق والوشوش الكذابة اللي شفتها وقت الثورة صدمتني قوي.. موت أمي كسرني قوي تدخل الناس في حياتي وتعليقاتهم الغير مهذبة واجعني قوي.. استنزافي في الشغل واستهلاكي وإحساسي أني مش عارفة أقدم الفن اللي نفسي أقدمه دابحني قوي .
تابعت الرسالة عن أزمة زوجها أوكا :
أزمة جوزي قتلاني قوي، عارفة إن ده أصعب اختبار من رب العالمين ونفسي أكون أده بحاول أكون أده بس تراكمات السنين مبهدلاني قوي.. حاسة إن نفسي محتاجة إعادة هيكلة زي كل حاجة في بلدنا يارب خرجنا من المحنة الكبيرة دي.. محمد كان بيديني طاقة أمل كان بيصبرني ودايما يقولي اللي جاي أحلى هتتولدي من جديد.. ربنا يرجعك انت وأحمد بالسلامة عشان بجد نفسي أتولد من جديد وأفقد الذاكرة وانسى وجع وتعب السنين دول بس ما انساش اللي اتعلمته منهم.. أنا في انتظار رحمة وعدل ربنا في انتظار نفسي في انتظار موعدي مع السعادة .
جدير بالذكر أن أوكا و أورتيجا مغنين المهرجانات تم القبض عليهم في مطار القاهرة ، و تم توجيه تهمة لهم عن تزوير قيد عائلي للتهرب من التجنيد ، و ذلك عند سفرهم لإحياء حفلات غنائية في الإمارات ، و قد يم تحويلهم إلى النيابة العسكرية بذلك التهمة .
رسالة مي كساب عبر الفيسبوك
