فاجئ النجم أحمد مكي جمهوره بعد غياب عن موقع فيسبوك ، حيث دشن النجم أحمد مكي صفحة رسمية بعنوان sekkymallawany .
كان مكي قد أطلق أغنية ” أنا ماليش أكونت عالفيس بوك اسمع من مكي” و التي كانت ردًا على الصفحات المزيفة التي انتشرت باسمه .
و فيما يخص العنوان الذى أختاره مكي ” sekkymallawany “ فقد اختاره بعد فشله في الحصول على عنوان باسمه بسبب كثره الصفحات الوهمية التي تستغل أسمه .
و ذكر مكي أن أختيار الأسم هى لغه كان يتحدثها زمان مع أصدقائه ، موضحاً أن تلك اللغة لا يفهمها إلا أصدقاءه القدامى .
و لتأكيد أن تلك الصفحة هي الرسمية للنجم أحمد مكي قام بنشر فيديو على الصفحة يأكد من خلاله أنها الصفحة الرسمية له .
نشر الفنان أحمد مكي عبر الصفحة الرسمية ” sekkymallawany ” :
اللى خلانى أعمل الصفحة دى إنى لقيت ناس سألت عليا لما غبت السنة الي فاتت وبيستفسروا انا اختفيت فين
حابب أشكر الناس على سؤالهم عليا لأنه فعلا فرق معايا نفسيا وكنت محتاجه قوى
أنا كان بقالى سنة تقريبا عيان جداً، كان عندى “فيروس” ضربلى الكبد والطحال.. مكنتش حتى أقدر أشرب بق ميه بسبب الطحال أول شهرين من المرض عشان الكبد كان عملى خمول، كنت بأنام من 18 لـ20 ساعة فى اليوم ” .
خسيت فوق الـ30 كيلو، وكنت شبه فاقد للأمل، الحمد لله على كل حال
أنا دلوقتى خفيت تماما ووزنى زاد تانى، واتعلمت كتير جدا فى الرحلة دى، وكان فارق معايا جدا سؤالكم عنى، حسّيت إن ليا أهل مش جمهور، وإنى فرقت معاهم لما غبت ، ربنا يفرح قلوبكم زى ما فرحتوا قلبى ” .
تعرف على لغة “سغة لمبة” التى دشن بها أحمد مكي صفحته على فيس بوك :
شارك مكي جمهوره في طريقة أختياره لاسم صفحة الفيسبوك ” وأهلا بكم فى صفحتى سكى ملوانى= مكى !هى دى “السغة لمبة”، وفيه بعض الناس تحب تنطقها “السغة” لمون” .. !وهى لغة شارع كانوا بيتكلموها عشان الحكومة ماتفهمش هما بيقولوا إيه.. زى شفرة وطريقتها باختصار… الكلمة اللى عاوز تقولها بتشيل أول حرف فيها وتحط مكانه حرف السين (س)، وتقول بعد الكلمة دى أى كلمة تانية بشرط يكون أول حرف فيها هو اللى أنت حذفته وغيرته بـ(س) من الكلمة اللى قبلها “مثال: مكى شيلنا أول حرف اللى هو(الميم) وحطينا (س) فبقت (سكى) حطينا كلمة بعدها بدايتها حرف (م) اللى شيلناها من مكى حطينا كلمة (ملوانى) وبكده (سكى ملوانى) = (مكى) (سغة لمبة) = (لغة) (سكرونة ممبار) = (مكرونة) وهكذا “.
