“ده تقريبًا أول مرة اقتنع إن معندناش رجالة”، هكذا وصفت شروق شعورها بعد تعرضها للتحرش في سيارة ميكروباص، بعد رصدها للمتحرش بكاميرا الموبايل.
نشرت “شروق” عبر حسابها على موقع التواصل الاجتماعي “فيسبوك”، صورتين ترصد شروع شخص يجلس في المقعد الخلفي بالتحرش بها.
علقت الفتاة المنتقبة على الصور قائلة: “دي تقريباً أول مرة اقتنع إن معندناش رجالة، ده لسه حاصل معايا حالًا”.
قالت شروق: “أول حاجة عملتها إني صورت عشان لما يقول معملتش أعرف أرد عليه، بس بمجرد ما زعقت وعليت صوتي، لقيت الكل بيقول خلاص ياآنسة ومحدش فكر يتجدعن”.
أضافت الفتاة: “خلاص إيه حضرتك ده بيمد إيده أهيه، معلش خلاص”، مستنكرة: “يعني رجالة كبار بشنبات بيقولولي أسكت لما واحد يمد إيده عليا”.
تابعت شروق: “ده أنا أصحابي أرجل منهم، إحنا معندناش رجالة فخدي حقك منك ليها واخشوشنو، ويبقي حد يجي يقولي أصل لبسك مستفز”.
بعد أن انهالت التعليقات على منشور شروق بالتعاطف معها والوقوف بجانبها وتشجعيها على ما فعلته.
أجرت الفتاة تعديل على المنشور لتوضح أنها كانت في طريق عودتها من إحدى الدروس الخصوصية مستقلة سيارة ميكروباص من حلوان إلى التبين.
وجهت حديثها لبعض الأشخاص الذين لموا عليها بالخروج بمفردها، قائلة: “أنا كنت راجعة من درس”.
قالت الفتاة المنتقبة: “حتى لو مش درس، هتقدروا إزاي تحبسو البنات في البيوت”.
استكملت حديثها: “عشان انتو حيوانات مش قادرين تمسكو نفسكو عن بنات الناس، لبسي مش ضيق، وشي مش شيافة”.
عنفت شروق، بعض الأشخاص الذين علقوا بتعليقات سلبية على المنشور قائلة: “شوفوا حجج تبرروا بيها غير دي”.
شاهد المنشور:
