مسلسل زى الشمس نال استحسان عدد كبير من المشاهدين، وحقق نسبة مشاهدة عالية فى أولى الحلقات له التى تعرض حصريا وقد تصدر هاشتاج ” زى الشمس” تريند تويتر، فقد شغل مسلسل زى الشمس عدد كبير من رواد مواقع التواصل الإجتماعى معبرين عنه بأنه أحلى مسلسل فى رمضان، وخاصة بعد عرض مشهد مؤثر من الحلقة الثالثة لأحمد السعدنى ودينا الشربينى.
وقد علق عدد كبير من رواد تويتر على صفحاتهم الشخصية على أداء دينا الشربينى فى المسلسل وكتب احد المتابعين قائلا ” اللي يقول ان دينا الشربيني مبتعرفش تمثل محتاج يراجع نفسه بجد، انا شوفت مشهد دلوقتي بتعيط فيه لاحمد السعدني جسمي كله قشعر وقعدت أعيط وانا مشوفتش ولا حلقة من المسلسل.. البت دي شاطرة حقيقي وموهبة بغض النظر عن أي حاجة تانية.. في 3 دقايق اخدتني ونقلتني في حتة تانية خالص”.
كما نشر أحد المغردون على صفحته صورة للحوار الذى دار بين دينا الشربينى والسعدنى تحت هاشتاج “زى الشمس”قائلا ” هو ازاي واحدة ممكن تخون أختها مع خاطبها، أنا أسمع عن الصاحبة اللي تخطف الحبيب و الخطيب و الزوج، أنما أخت ! فـ دي مش مجرد خيانة، دي جريمة قتل لروح حية، دينا الشربيني حقيقي من أشطر الممثلات اللي ممكن تستمتع بيها و هي بتمثل أي دور”.
فيما علق أخرون على المشهد تحت هاشتاج “زى الشمس” قائلا “ياجماعه انا حبيت أداء دينا الشربيني جدا ، وعايزه الحلقه الجايه تيجي بسرعه عشان اشوف تمثلها تاني regardless انها دخلتني في mood كئيب ، بس حبيتها”.
كما نال أداء دينا الشربينى فى المسلسل اعجاب أخرون وعلقوا عليه “فين الناس الى بتقول دينا الشربينى مبتعرفش تمثل دى بتمثل وبتحسسك انو مش تمثيل بتحسسك انها حقيقة فعلا ..بحبها جدا ومسلسلها السنة دى من اكتر الحاجات الى شدتنى”.
ويذكر أن مسلسل زى الشمس من بطولة دينا الشربينى، أحمد السعدنى، سوسن بدر، أحمد داوود، جمال سليمان، ريهام عبد الغفور، أحمد مالك، جينا سليم وغيرهم تدور أحداث المسلسل فى اطار تشويقى مثير، ويتعرض شقيق دينا الشربينى التى تجسد دور محامية فى المسلسل للقتل، ومن هنا يبدأ البحث عن مرتكب الجريمة، ويدور الشك فى عدد من المقربين لها.
