قصة الدجاجة المعجزة التى عاشت بدون رأس !!
القصة بدأت في سبتمبر من سنة 1945 في مزرعة أولسن في فرويتا في ولاية كلورادو الأمريكية ، المزرعة كانت ملك رجل أمريكي يدعى ليود و زوجته كلارا ، و الزوجين كانوا بيدبحوا الدجاج و بيبعه بعد تنظيفه ، و ده نظام الحياة الزوجية للزوجين ، و كل الأمور كانت عادياً جدا .
لحد ما في يوم و بعد ما دبحوا أحدى الدجاجات أتفاجوا برد فعل غريب ليها فبعد ما دبح ليود الدجاجة و قطع رأسها ممتتش و أستمرت في الحركة و فضلت تجري في المكان في حين أن رأسها منفصل عن جسدها و كان رأسها ملاقى على الأرض .
أستغرب ليود و زوجته جدا و حطوا الدجاجة في صندوق مخصص للطعام خلال ساعات الليل و اعتقدوا أنها هتموت فيما بعد لكن في الصباح شاف الزوجين شئ أدهشهم أكتر من الأول .
فالدجاجة كانت مازالت حياه و لاقوها وقفة في الصندوق بدون رأس و من هنا جت فكرة لليود يقدر من خلالها أنه يكسب المال و هي أصطحاب الدجاجة الغريبة للمدينة و مرهنه الناس على أنه يوريهم دجاجة حياه بدون رأس .
و بالفعل نجحت الفكرة و قدروا الزوجين بأنهم يجعوا بعض الأموال بفضل الدجاجة العجيبة بعد كدا توالت عليهم العروض و بدءوا أصطحاب الدجاجة في جولات و كسبوا المزيد من الأموال .
و أصبحوا يمتلكوا المال الكافي لإنشاء مزرعة أكبر و أحدث ، و أستخدموا الزوجين الدجاجة و التي أطلقوا عليها فيما بعد مايك لتأدية بعض العروض في الشارع ، و استعانوا كمان بطفل ليه رأسين و ده خالى الناس تتوافد على العروض لمشاهدة الاشياء الخارقة ، اللي بيقدموا الزوجين .
و في يوم قرر ليود انه ياصطحاب الدجاجة لجامعة أوتا علشان يثيت أن قصتها حقيقية و مفيهاش أى خدع سحرية أو نصب و في الوقت دة نشرت مجلة تايم و مجلة لايف قصة الدجاجة اللي عاشت لمدة 18 شهر بدون رأس .
ليود كان بيطعم الدجاجة بأستخدام قطرة من خلال قطرة من خلال الرقبة لأنها طبعا بدون رأس و ملهاش منقار تقدر تاكل بيه و بالتالي فلو ما أتغذتش هتموت ليود كمان كان بينظف القصبة الهوائية للدجاجة من حين لأخر علشان ما يتراكمش فيها أي شيء يعوقها عن التنفس بشكل سليم .
لكن ما الأسف حياة الدجاجة مستمرتش لوقت طويل فخلال سفر الزوجين لولاية أريزونا ، و أثناء أيقامتهم في فندق صغير في فونيكس ، سمعوا صوت الدجاجة و هي تصيح بصوت عالي و مزعج و أكتشفوا أنهم نسيوا الأدوات اللي بيستخدمواها لتنظيف القصبة الهوائية .
و اللي بتساعدها على التنفس بشكل طبيعي ، و مقدروش ينقذوا الدجاجة اللى التقطت أخر أنفاسها في مارس 1947 بعد ما عاشت سنة و 6 شهور بجسدها فقط بجسدها بس بدون رأس .
بعد موت الدجاجة ما أفصحوش الزوجين عن موتها بسبب سوء الرعاية و لكنهم أدعوا بأنهم باعوها لأحد الأشخاص اللي بيعملوا في مجال تقدم العروض ، و بالفعل فضلوا الناس معتقدين أن الدجاجة مازالت حية ، و انها لسه بتقدم العروض في جميع أنحاء الولايات المتحدة .
أكيد السؤال اللي بيدور في ذهن الجميع دلوقتي هو السر في بقاء الدجاجة حيه بدون رأس فالطبيعي بعد قطع رأس الدجاج بينفضل المج عن الجسم لكن الجسم بيفضل يتحرك لثواني أو لدقايق بعد الدبح لوجود لوجود بعض الأوكسجين في النخاع الشوكي .
وفقاً لتوم ” سملدرز ” الطبيب بجامعة نيو كاسل ، ففي حالات نادرة بتقوم فيها الخلايا العصبية بتنشيط الجسد و السماح له بالحركة والركض لكن دة أذا حصل بيكون لمدة أقصاها 15 دقيقة مش 18 شهر زي ما حصل مع دجاجتا الغريبة .
لكن بالنسبة للدجاجة فيكون في جزء صغير من المخ في الجزء الأمامي من الرأس ، لكن الجزء الأكبر من المخ بيكون في الخلف ، و ده غالباً اللي حصل في حالة الدجاجة دى فيعتقد أن في الحالة دى أكتر من 80% من المخ كان سليم بالأضافة لتجلط الدم اللي منع الزيف ، فضلاً عن عدم تأثر عملية التنفس و التغذية و دة اللى مكن الدجاجة من البقاء على قيد الحياة .
لكن دة لا يعني أن حالة الدجاجة مايك قابلة للتكرار ، لأن بالفعل ناس كتيرة حولت شراء أعداد كبيرة من الدجاجة ، في محاولات للعثور على دجاجة زي مايك لكن كل المحاولات باءت بالفشل .
و على مدار 72 سنة من بعد موت الدجاجة العجيبة ، بتحتفل مدينة فرويتاً ، التي شهدت الواقعة بيوم سنوي للدجاجة مقطوعة الرأس وتمت إقامة نصب تذكارى ليها تخليداً لذكرها بأعتبرها معجزة فريدة من نوعها و مش هتكرر .
